Procura no Mapa

0.1 km
Buscar

Localización. Monte Medo. Parroquia de San Xoán de Vide.

Tipo de monumento. Relixioso. De interese: arquitectónico, histórico-artístico, relixioso, etnográfico e paisaxístico.

Datación. Inicio e finalización da construción actual: 1731-1768. Anteriores construcións relixiosas: século IX e século XV.

Descrición
O Monte Medo sitúase no medio dunha chaira ao pé da Serra de San Mamede.
O santuario é de estilo barroco-neoclásico e está arrodeado dun muro sobre o que se abren catro portas de acceso ao recinto. A fachada semella un retablo pétreo xigante, como avance en pequeno da fachada do Obradoiro na Catedral de Santiago de Compostela (sete anos antes que o de Compostela), coa súa balconada e altar, prevista para celebracións multitudinarias.
No exterior do recinto atópanse sete capelas do viacrucis equidistantes entre si e na parte traseira atópase A Carballa dos Milagres, xunto á Fonte da Virxe, lugar onde se cre que se situaba a primeira ermida adicada á Santa ou á Virxe durante o século IX.
Se entramos no recinto dende a porta traseira, atopámonos cos restos da lanterna do anterior templo, tamén barroco do século XVII e cara á parte dianteira por este mesmo lateral do templo, vemos o Cruceiro da Piedade, con orixe no século XVI e reformado e decorado nos séculos XVIII e XIX.
Desde o século XIX, o Santuario, está rexentado pola congregación dos Padres Paúis.
En toda Galiza, norte de Portugal e polo xeral no noroeste peninsular, festéxase e recoñécese a novena da Virxe que ten lugar entre finais de agosto e ata o 8 de setembro.
Durante estes días o santuario está ateigado de fieis e postos feirantes, e podemos gozar dunha auténtica romaría popular: festiva e relixiosa de gran tradición.

Catalogación Inventario de bens patrimoniais, Xunta de Galicia. Declarado Monumento Histórico Artístico Nacional en 1982.

 

00_os-milagres

Dirección

Dirección:

Monte Medo. Parroquia de San Xoán de Vide.

GPS:

42.232493299266, -7.6293745040894

Comments (1)

Deixa unha resposta

O teu enderezo electrónico non se publicará Os campos obrigatorios están marcados con